Беларускую дызайнерку затрымалі з кетамінам, і яна абыйшлася штрафам

Беларускую дызайнерку і дэкаратарку Яну Волкаву затрымалі 16 чэрвеня на трасе М-4 "Дон" у Варонежскай вобласці Расіі, калі яна разам з хлопцам ехала на адпачынак у Грузію, заўважыла "Наша Ніва".

На стацыянарным пасту машыну спынілі, і падчас дагляду ў Волкавай знайшлі пакецік са светлым рэчывам. Экспертыза паказала, што гэта кетамін масай 0,18 грама.

На пасяджэнні Багучарскага раённага суда Варонежскай вобласці беларуска расказала, што купіла наркотык напярэдадні ў Маскве каля метро "Атраднае" — для асабістага ўжывання, без мэты збыту. Віну яна прызнала цалкам.

Паводле слоў Волкавай, яна жыве ў Расіі каля двух гадоў разам з хлопцам, абодва працуюць дэкаратарамі і аформлены як самазанятыя, плацяць падаткі. Яе сярэднямесячны заробак — каля $1280. Пры гэтым на момант затрымання яе рэгістрацыя ў Расіі ўжо скончылася, і ў судзе яна паабяцала аформіць міграцыйныя дакументы.

Галоўнае, чаго прасіла дзяўчына, — не дэпартаваць яе з Расіі, а абмежавацца штрафам. Суд прыслухаўся да просьбы. Дзяўчына абышлася штрафам на суму каля $50.