10 кастрычніка — Сусветны дзень псіхічнага здароўя
Гэты дзень адзначаецца ад 1992 года па ініцыятыве Сусветнай федэрацыі псіхічнага здароўя. На сёння ў свеце налічваецца болей за 450 мільёнаў людзей, якія пакутуюць на пэўныя псіхічныя захворванні. У заходніх краінах кожны сёмы чалавек мае пэўны псіхіятрычны дыягназ, у тым ліку схільнасць да дэпрэсіяў і алкагалізму. Росту захворванняў спрыяюць інфармацыйныя перагрузкі, палітычныя і эканамічныя катаклізмы ў краіне, а прадвеснікам хваробы з’яўляюцца стрэсы. Калі чалавек пачынае мірыцца са сваімі стрэсамі, у яго развіваецца дэпрэсія. Людзі змагаюцца са стрэсамі, хоць насамрэч іх трэба папросту не дапускаць у сваё жыццё.
