Адна з мінскіх радзільняў часова закрытая на дэзінфекцыю
1-я гарадская бальніца
У Мінску часова на "прафілактычную дэзінфекцыю" закрылі радзільню 1-й гарадской клінічнай бальніцы.
На сайце і ў сацсетках клінікі паведамляецца, што радзільня будзе зачыненая з 8 па 21 траўня. Зроблена гэта "згодна з загадам Камітэта па ахове здароўя Рэспублікі Беларусь №314 ад 08.05.2026, у мэтах падтрымання належнага ўзроўню інфекцыйнай бяспекі".
З чым звязаная прафілактычная дэзінфекцыя — не ўдакладняецца.
Дарэчы, "Камітэта па ахове здароўя Рэспублікі Беларусь", на які спасылаюцца ў клініцы, не існуе. Ёсць Камітэт па ахове здароўя Мінгарвыканкама і Міністэрства аховы здароўя Рэспублікі Беларусь.
