Аплату картай пачнуць укараняць у аўтобусах Мінска з 1 верасня
Валідатар у аўтобусе / "Наша Ніва"
Аплату банкаўскімі карткамі ў наземным транспарце Мінска пачнуць уводзіць з 1 верасня. Ужо вядуцца закупкі новых валідатараў і пачаўся мантаж прылад у транспартных сродках.
"На дадзены момант ужо можна з упэўненасцю сказаць, што працэдура закупкі ідзе. Дзяржаўнае прадпрыемства “Мінсктранс” займаецца гэтым працэсам, і па меры набыцця абсталявання будзе праводзіцца яго мантаж. Так, хутчэй за ўсё, гэта будзе не аднамомантна, а паэтапна", — сказаў у эфіры "Радыё Мінск" дырэктар прадпрыемства "Сталічны транспарт і сувязь" Юрый Супрановіч.
Паводле яго слоў, аплаціць праезд банкаўскімі карткамі ў наземным грамадскім транспарце можна будзе з 1 верасня. Гэтая магчымасць будзе ўкараняцца паэтапна. Пакуль такая магчымасць ёсць толькі на двух тэставых маршрутах.
