Аўтобус без кіроўцы насмерць збіў пажылую пару у Чавусах
Здарэнне / screenshot
Раніцай 16 траўня на аўтастанцыі ў Чавусах аўтобус МАЗ самаадвольна крануўся з месца і збіў пажылую пару. Мужчына 70 гадоў і жанчына 66 гадоў загінулі на месцы.
Паводле папярэдніх дадзеных следзтва, 41-гадовы кіроўца запаркаваўся, зачыніў дзверы і пайшоў у будынак аўтастанцыі, каб адзначыць шляхавы ліст, і не заглушыў рухавік. Аўтобус пакаціўся ў бок гандлёвых павільёнаў, дзе ў гэты момант ішлі сужэнцы. Пасля наезду на пешаходаў транспартны сродак сутыкнуўся з запаркаваным легкавым аўтамабілем. Кіроўца, паводле яго слоў, спрабаваў прадухіліць рух аўтобуса.
Чавускі раённы аддзел Следчага камітэта ўзбудзіў крымінальную справу па артыкуле аб парушэнні правілаў дарожнага руху, якое па неасцярожнасці пацягнула смерць двух асобаў.
