"Баранавічы" атрымалі першую перамогу ў чэмпіянаце, "Арсенал" пацярпеў першае паражэнне
У фанаў "Баранавіч" свята / ФК "Барановичи"
15, 16 і 17 траўня прайшлі матчы восьмага тура чэмпіянату Беларусі па футболе. Былі згуляныя ўсе матчы, акрамя сустрэчы БАТЭ з мінскім "Дынама". Гэтыя каманды 16 траўня гулялі паміж сабой у фінале Кубка Беларусі. Паміж сабой у чэмпіянаце яны згуляюць 20 траўня.
Лідар чэмпіянату "МЛ Віцебск" без асаблівых праблем разабраўся з "Арсеналам" — 3:0. "Букмекеры" ідуць без паражэнняў, а для "кананіраў" гэта стала першым паражэннем у гэтым годзе ў чэмпіянаце.
"Баранавічы" атрымалі сваю першую перамогу: быў пераможаны "Гомель" з лікам 3:2, што стала для "рысей" першым паражэннем пасля шасці тураў. Навічок лігі не прайграе ўжо тры туры і сыходзіць з апошняга месца ў табліцы.
А туды апускаецца "Нафтан", які дома прайграў "Славіі" з лікам 0:1.
"Тарпеда-БелАЗ" і "Віцебск" згулялі ўнічыю 1:1.
З такім жа лікам скончыўся матч "Дынама-Брэст" супраць "Дняпра" — 1:1.
"Мінск" разграміў "Белшыну" — 5:1.
"Нёман" у сябе дома прайграў "Іслачы" — 0:1.
