Украінскія дроны атакавалі склады Wildberries у Краснадары і Стаўрапальскім краі

Украінскія дроны зноў атакавалі склады кампаніі Wildberries у Расіі. Кампанія пацвердзіла, што пажары адбыліся на вялікіх лагістычных хабах у Краснадары і ў Стаўрапальскім краі.

"Сёння ўначы былі атакаваныя нашы лагістычныя цэнтры ў Краснадары і Нявіннамыску", - напісала ў тэлеграме заснавальніца кампаніі Wildberries Таццяна Кім. Яна заявіла, што ёсць пацярпелыя, хаця і не назвала іх колькасць.

Улады Краснадарскага і Стаўрапольскага краёў паведамляюць агулам пра восем пацярпелых ад атакі на склады кампаніі.

Таксама, як піша hromadske.ua, была атакаваная нафтабаза ў Армавіры (Краснадарскі край РФ). Там узнік пажар, які ахапіў плошчу 800 квадратных метраў.