Кіраўнік архітэктурнай студыі ZROBIM вярнуўся ў сацсеткі пасля затрымання
"Сэрца Волгі" ад ZROBIM architects / threads.com/@andrusbezdar
Кіраўнік архітэктурнай студыі ZROBIM, затрыманы 9-га красавіка, вярнуўся ў сацсеткі. Імаверна, Андрэя Макоўскага вызвалілі.
Пост у Threads, у якім бізнесовец хваліць "баланс традыцыйнай формы і сучаснай архітэктуры" ў распрацаваным ZROBIM праекце "Сэрца Волгі" з'явіўся акурат на 16-я суткі пасля таго, як яго кінулі за краты.
Ператрусы ў студыі ZROBIM architects праходзілі 9 і 10 красавіка. Каля 50 супрацоўнікаў бюро былі затрыманыя, большасць неўзабаве адпусцілі.
Афіцыйна архітэктурную студыю абвінавацілі ў нявыплаце падаткаў. У сюжэце на СТБ заявілі, што "не менш за 60% ад усіх заробкаў" супрацоўнікам выплачвалі "ў канвертах".
Неафіцыйна сілавікі намякалі, што ўладам не спадабаўся пост Макоўскага ў Threads. Там ён меў нахабнасць выказаць незадавальненне лістом з нейкага дзяржорганага органа, якім ZROBIM architects абавязвалі наняць у штат ідэолага.
