Кітай і Казахстан плануюць пракласці грузавы маршрут у ЕС у абыход Расіі

Кітай мае намер у бліжэйшы час нарасціць грузавыя перавозкі з Еўропай праз Транскаспійскі міжнародны транспартны маршрут, які праходзіць праз Казахстан, Каспійскае мора, Азербайджан, Грузію і Турцыю ў абход тэрыторыі Расіі. Агульная даўжыня маршруту складае больш за 4250 км, а яго самы доўгі ўчастак пралягае менавіта па тэрыторыі Казахстана, паведамляе Служба знешняй разведкі Украіны.

“Лагістыка па гэтым калідоры лічыцца больш складанай, чым транзіт праз Расію, бо яна спалучае чыгуначныя перавозкі, партовую інфраструктуру, паромныя пераправы і складаныя мытныя працэдуры паміж некалькімі дзяржавамі. Аднак Пекін і Астана актыўна прапрацоўваюць гэты праект. Галоўныя прычыны — таксічнасць, падсанкцыйнасць і ненадзейнасць РФ, а таксама імкненне скараціць нестабільныя сёння марскія маршруты", — тлумачаць у ведамстве.

Для таго, каб рэалізаваць такія планы, кампанія "Казахстанская чыгунка" аб'явіла аб намеры інвесціраваць каля 10 млрд долараў у мадэрнізацыю чыгуначнай, партовай і тэрмінальнай інфраструктуры да 2030 года.