Студэнта-алімпіядніка з Віцебска асудзілі па "справе Гаюна" і залічылі ў "экстрэмісты"
Арцём Астратаў (злева) / psu.by
Па "справе Гаюна" асудзілі 19-гадовага студэнта Арцёма Астратава.
Хлопец скончыў віцебскую школу №4, не раз пазітыўна згадваўся ў розных публікацыях дзяржаўных СМІ, піша тг-канал vitebsk_info.
У 2024 годзе Астратаў стаў пераможцам алімпіяды юрфака Полацкага дзяржуніверсітэта. Паступіў на юрфак МИТСО.
У выніках рэспубліканскага конкурсу навуковых работ студэнтаў за 2025 год згадваецца першакурснік Арцём Астратаў, чыя работа па канстытуцыйным праве была аднесеная да другой катэгорыі.
17 ліпеня яго імя з'явілася ў "спісе экстрэмістаў". Пазначана, што ён асуджаны па абвінавачанні ў "садзейнічанні экстрэмісцкай дзейнасці" (чч. 1, 2 арт. 361-4 КК). Верагодна, Арцёму прысудзілі "хатнюю хімію".
