Ліхтарыкі ў небе Грэцыі і агні ў Іерусаліме: кадры святкавання Вялікдня — фота
Пасха / greekreporter
Сёння праваслаўныя хрысціяне Беларусі сустрэлі сваё галоўнае свята — Вялікдзень.
Але сёння Вялікдзень святкуюць не толькі многія беларускія хрысціяне. Паглядзіце, як яго сустракаюць у розных краінах.
За некалькі дзён да Велікоднай нядзелі паломнікі пачалі сцякацца ў Іерусалім.
Хаця каталіцкія вернікі адзначылі Вялікдзень 5 красавіка, Папа Рымскі Леў XIV сёння звярнуўся з віншаваннем да ўсіх хрысціян і асабліва — да жыхароў Украіны і Лівана.
"Няхай святло Хрыстова суцешыць засмучаныя сэрцы і ўмацуе надзею на мір. Няхай міжнародная супольнасць не забывае пра трагедыю гэтай вайны", — сказаў ён.
Сёння Вялікдзень святкуюць многія вернікі ў Грузіі.
А ў розных рэгіёнах Грэцыі ёсць некаторыя незвычайныя для нас традыцыі свята. Напрыклад, на востраве Крыт многія ў Велікодную нядзелю запускаюць у неба вогненныя шары, а на востраве Хіёс — феерверкі.
Паводле Евангелля ад Іяана, Ісус Хрыстос быў укрыжаваны ў дзень юдэйскай Пасхі — у той год яна прыйшлася на пятніцу. Але ў нядзелю яшчэ да ўзыходу сонцы яго труну знайшлі пустой. А пазней Ісус з'явіўся перад сваімі вучнямі.
Старазапаветны Вялікдзень святкавалі ў памяць выйсця габрэйскага народа з егіпецкага палону. У хрысціянстве назва гэтага свята набыла новае значэнне: перамога жыцця над смерцю.
Праваслаўная царква святкуе Вялікдзень сорак дзён. Менавіта столькі дзён, паводле хрысціянскага вучэння, Ісус з'яўляўся сярод апосталаў пасля Уваскрасення. Кожны год на саракавы дзень пасля Вялікадня праваслаўныя хрысціяне сустракаюць свята Узнясення.
