На трасе пад Віцебскам спынілі кіроўцу, які ехаў з хуткасцю 172 км/г
Рэгістратар фіксуе перавышэнне на 82 км/г / ДАІ Віцебскай вобласці
На трасе пад Віцебскам спынілі кіроўцу, які ехаў з хуткасцю 172 км/г. Інспектары ДАІ злавілі аўтамабіль Ford на 16-м кіламетры дарогі Р-20 Віцебск — Полацк — мяжа Латвіі. Дазволеная хуткасць там — 90 км/г. То-бок, кіроўца перавысіў амаль у два разы — на 82 км/г.
Кіроўцу аштрафавалі на 360 рублёў (8 базавых велічыняў). І папярэдзілі, што наступны раз пазбавяць правоў.
