ПСЖ перамог “Арсенал” у серыі пенальці і другі год запар выйграў Лігу чэмпіёнаў
Парыжскі клуб стаў другім у эпоху Лігі чэмпіёнаў, каму ўдалося выйграць турнір два сезоны запар / Reuters
Французскі “Пары Сен-Жэрмен” захаваў тытул пераможцы Лігі чэмпіёнаў, абыграўшы лонданскі “Арсенал” у серыі пенальці.
Асноўны і дадатковы час фіналу на стадыёне “Пушкаш Арэна” ў Будапешце завяршыўся з лікам 1:1.
“Арсенал” хутка выйшаў наперад, адкрыўшы лік ужо на шостай хвіліне сустрэчы. Кай Хаверц адправіў мяч у вароты галкіпера ПСЖ Матвея Сафонава пасля ўдару з межаў штрафной пляцоўкі.
Парыжскі клуб здолеў зраўняць лік у другім тайме. На 65-й хвіліне Усман Дэмбеле рэалізаваў пенальці, прызначаны пасля фолу Крысціяна Маскеры на Хвічы Кварацхеліі.
Да канца асноўнага часу каманды не змаглі вызначыць пераможцу, а дадатковы час таксама завяршыўся без забітых мячоў.
Лёс трафея вырашыўся ў серыі пенальці. Вызначальным стаў промах абаронцы “Арсенала” Габрыэла, які прабіў вышэй за вароты. ПСЖ выйграў серыю з лікам 4:3 і заваяваў чарговы тытул.
Парыжскі клуб стаў другім у эпоху Лігі чэмпіёнаў, каму ўдалося выйграць турнір два сезоны запар.
Усе пераможцы Лігі чэмпіёнаў:
