Стала вядома, колькі машын канфіскавала ў перавозчыкаў сёлета Транспартная інспекцыя
Маршрутка, ілюстрацыйнае фота / expressbus.by
За пяць месяцаў 2026 года Транспартная інспекцыя канфіскавала ў перавозчыкаў 79 машын. Паводле намесніка начальніка ведамства Дзмітрыя Кулікоўскага, прычынай сталі разнастайныя парушэнні, перадае БелТА.
Сярод канфіскаваных транспартных сродкаў 61 аўтамабіль-таксі. Таксама былі канфіскаваныя маршруткі — 16 аўтобусаў катэгорыі М2 і два аўтобусы катэгорыі М3.
Па стане на 5 чэрвеня ў рэестры аўтамабільных перавозак змяшчаліся даныя пра больш чым 12 200 перавозчыкаў. Прычым 10 200 з іх — гэта таксоўцы. Пры гэтым перавозкі пасажыраў таксі маюць права выконваць 37 тысяч кіроўцаў з выкарыстаннем 27 тысяч машын.
