У аўторак па ўсходзе Беларусі будзе да +30 градусаў
Травень, ілюстрацыйнае фота
У аўторак, 19 траўня, у Беларусі чакаецца пераменная воблачнасць, паведамляе Белгідрамет.
Месцамі пройдуць кароткачасовыя дажджы, прагрымяць навальніцы. Уначы і зранку ў асобных раёнах будзе згушчацца туман. Вецер прагназуецца пераменных напрамкаў умераны, пры навальніцах — парывісты.
Уначы тэрмометры пакажуць 10-15 градусаў цяпла, па захадзе краіны будзе 8-9 градусаў вышэй за нуль. Удзень паветра прагрэецца ад +16 па паўночным захадзе да +30 градусаў па ўсходзе Беларусі.
20 траўня ўначы будзе пераменная воблачнасць, а ўдзень — воблачна з праясненнямі. Месцамі пройдуць кароткачасовыя дажджы, прагрымяць навальніцы. Вецер уначы прагназуецца пераменных кірункаў, удзень — паўночны, паўночна-ўсходні ўмераны, пры навальніцах — парывісты.
Тэрмометры ўначы пакажуць 8-14 градусаў са знакам "плюс", па паўднёвым усходзе чакаецца да 16 градусаў цяпла. Удзень сіноптыкі абяцаюць ад +17 па паўночным захадзе да +29 градусаў па паўднёвым усходзе.
