У аўторак у Беларусі прагназуюць дажджы і моцны вецер
Дождж, ілюстрацыйнае фота / pixabay.com
У аўторак, 26 траўня, у Беларусі чакаецца воблачнае з праясненнямі надвор'е, паведамляе Белгідрамет.
Уначы месцамі, а зранку і ўдзень на большай частцы тэрыторыі пройдуць дажджы. Удзень магчымыя навальніцы. Вецер будзе паўночна-заходні ўмераны, удзень — парывісты, месцамі, а на захадзе ў многіх раёнах — да моцнага. Парывы будуць дасягаць 15-18 метраў за секунду. Сіноптыкі з гэтай нагоды абвясцілі аранжавы ўзровень небяспекі.
Уначы тэрмометры пакажуць 8-14 градусаў вышэй за нуль. Удзень паветра прагрэецца да 15-21 градуса цяпла, па паўднёвым захадзе чакаецца да +25 градусаў.
У сераду прагназуецца пахаладанне. На большай частцы тэрыторыі пройдуць дажджы, месцамі прагрымяць навальніцы. Вецер будзе паўночна-заходні парывісты, уначы месцамі, а ўдзень у многіх раёнах — да моцнага.
Тэрмометры ўначы пакажуць 7-14 градусаў цяпла. Удзень прагназуецца ад +11 па поўначы да +21 градуса па паўднёвым захадзе краіны.
