У Баранавічах знайшлі цела немаўляці ў пакеце
Следчы камітэт, ілюстрацыйнае фота / belrynok.by
Следчыя высвятляюць акалічнасці смерці нованароджанага дзіцяці. Яго знайшлі дома ў 18-гадовай пацыенткі Баранавіцкай бальніцы, перадае прэс-служба Следчага камітэта.
20 красавіка ў адну з медустановаў Баранавічаў паступіла 18-гадовая дзяўчына з прыкметамі родаў. Міліцыянты адправіліся па яе месцы жыхарства і там у пакеце знайшлі мёртвае нованароджанае дзіця з цялеснымі пашкоджаннямі.
Паведамляецца, што на месцы здарэння працавала следча-аператыўная група. Следчыя апыталі сведкаў і прызначылі шэраг экспертызаў, у тым ліку для выяўлення дакладнай прычыны смерці.
