У Барысаве шасцігадовы хлопчык запісаў зварот да Лукашэнкі
Шасцігадовы Цімур паказвае пясочніцу ў Барысаве / кадр з відэа ў Інстаграм-акаўнце
Камунальныя службы Барысава паабяцалі адрамантаваць дзіцячую пляцоўку пасля відэазвароту шасцігадовага хлопчыка да Аляксандра Лукашэнкі, піша "Мінская праўда".
Камунальнікі запэўніваюць, што каля дамоў № 1, 3, 5, 5б і 7 па вуліцы Камінскага ў Барысаве ўжо прыбралі смецце. Таксама яны плануюць дэмантаваць старую дзіцячую горку, а вечка пясочніцы мяркуецца адрамантаваць 15 траўня. Падвоз пяску ў пясочніцу абяцаюць завяршыць да 25 мая. Таксама камунальнікі разглядаюць магчымасць паставіць новую дзіцячую горку.
Відэа з шасцігадовым Цімурам з'явілася ў Інстаграме. Хлопчык скардзіўся на стан дзіцячай пляцоўкі ў двары і прасіў, каб Лукашэнка дапамог: "Зрабіце нам, калі ласка, пляцоўку! Не круціцца вось гэтая круцілка, не парамантаваная пясочніца, там цяпер смецце. /.../ А потым мы скажам маме: „Мама, мы выпадкова параніліся".
Пры гэтым Цімур паказаў смецце і зламаныя дошкі з цвікамі ў пясочніцы.
