У Беларусі пачалі збіраць аўтамабілі "Сітраен"
Аўтамабілі "Сітраен", сабраныя ў Беларусі / av.by
Продаж першай партыі аўтамабіляў "Сітраен", сабраных у Беларусі, пачала кампанія "ЯАР груп". Пакуль што гэта 48 аўтамабіляў, усе — з рухавіком унутранага згарання, піша Office Life.
Уся партыя машынакамплектаў была закупленая ў кампаніі Dongfeng Peugeot Citroen Automobile Company LTD (DPCA). Гэта сумеснае кітайска-французскае прадпрыемства, створанае ў 1992 годзе, са штаб-кватэрай ва Ухані. Раней "ЯАР груп" увозіла ў Беларусь кітайскія электрамабілі Hedmos з гэтага ж завода.
Вытворца прапануе "Сітраены" трох мадэляў — красоверы C3-XR, C5 Aircross і C5X магутнасцю ад 116 да 175 конскіх сілаў. Каштуюць яны ад 74,9 тыс. да 95,9 тыс. рублёў.
Беларуская кампанія падкрэслівае, што машыны, якія збіраюцца ў Кітаі, практычна не адрозніваюцца ад еўрапейскіх. У іх нават каля 30% камплектуючых еўрапейскай вытворчасці.
Далей "ЯАР груп" плануе пашырыць пастаўкі еўрапейскіх брэндаў з Кітая — наступнай маркай, хутчэй за ўсё, будзе Peugeot, які таксама выпускае DPCA. Акрамя бензінавых да канца года ў Беларусь плануюць прывезці і некалькі гібрыдных мадэляў.
