У Іране з пачатку вайны пакаралі смерцю 14 палітвязняў
Іран / Reuters
З 28-га лютага, калі пачалася вайны ў Іране, улады краіны пакаралі смерцю 14 палітвязняў. Гэта адбывалася ва ўмовах адсутнасці інтэрнэту, піша Euronews.
Сем з пакараных былі арыштаваныя падчас студзеньскіх пратэстаў, іх абвінавацілі ў падпале базы "Басідж" ва ўсходнім Тэгеране.
Яшчэ шэсць чалавек былі асуджаныя да смяротнага пакарання за меркаваныя сувязі з арганізацыяй "Муджахедын-э Халк" — іранскай апазіцыйнай групоўкай, якая выступае за звяржэнне Ісламскай Рэспублікі.
Яшчэ аднаго чалавека пакаралі смерцю па абвінавачанні ў шпіянажы на карысць Ізраіля падчас 12-дзённага канфлікту мінулым летам.
Кіраўнік судовай сістэмы Ірана Голамхасэйн Махсені Эджеі заявіў у аўторак, што прысуды павінны выконвацца хутчэй.
У студзені 2026 года ў Іране пакаралі смерцю не менш за 100 чалавек, гаворыцца ў дакладзе спецыяльнага дакладчыка ААН па правах чалавека Май Сата. Як мінімум 1639 чалавек былі пакараныя смерцю ў Іране ў 2025 годзе.
