У Купалаўскім тэатры паказалі спектакль з музыкай ад штучнага інтэлекту
Твор Караткевіча ўвасобілі ў Купалаўскім тэатры / БЕЛТА
30 чэрвеня ў Купалаўскім тэатры ў Мінску адбылася прэм'ера. На сцэне паказалі сцэнічнае ўвасабленне твора Уладзіміра Караткевіча "Чорны замак Альшанскі".
Рэжысёр спектакля Дэвід Разумаў зрабіў пастаноўку ў жанры неануар, характэрным для змрочных дэтэктываў і трылераў. У першапачатковым варыянце дзея працягвалася шэсць гадзінаў, але ўрэшце спектакль скарацілі для дзвюх гадзінаў.
Музыку для спектакля цалкам напісаў штучны інтэлект. Для кожнай музычнай кампазіцыі складаліся падрабязныя промты з указаннем характару гучання, інструментаў і тэмпу. Часам, кажа рэжысёр, даводзілася рабіць каля ста спробаў, пасля чаго музыка дадаткова рэдагавалася ўручную. Дэвід Разумаў застаўся задаволены вынікам, але кажа, што надалей хацеў бы працаваць з чалавекам-кампазітарам.
"Для мяне самым галоўным у гэтай гісторыі з'яўляецца чалавек і яго барацьба. Свет пастаянна спрабуе зламаць героя, але яго воля і імкненне да справядлівасці вядуць яго наперад. Менавіта пра гэта спектакль", — пракаментаваў рэжысёр сваю пастаноўку.
