Закрыўся Беларускі пластычны тэатр "ІнЖэст"
Сцэна са спектакля тэатра "ІнЖэст", архіўнае фота / Еўрарадыё
Закрыўся Беларускі пластычны тэатр "ІнЖэст". 18-га траўня яму мусіла споўніцца 45 гадоў.
"Тэатр, на жаль, афіцыйна больш не існуе. У красавіку канчаткова вывезлі дэкарацыі", — расказвае адзін з яго ўдзельнікаў. Шматгадовы кіраўнік праекта Вячаслаў Іназемцаў цяпер у Японіі.
2021-м тэатру забаранілі выступаць у Беларусі, у 2024-м у яго адабралі памяшканне.
"Нельга закрыць тое, што ніколі не адкрывалася. "ІнЖэст" жывы і здаровы, пакуль жывыя-здаровыя яго рэжысёр і акцёры", — кіраўнік пластычнага тэатра "ІнЖэст" Вячаслаў Іназемцаў адгукнуўся на навіну пра тое, што праект спыніў існаванне.
Ён дадаў, што працягвае жыць у Мінску. Але, калі з'явілася навіна, сапраўды быў у Японіі — у трохтыднёвай вандроўцы, з выступамі і майстар-класамі. Еўрарадыё выбачаецца перад слухачамі за тое, што стварыла ўражанне, што Іназемцаў пакінуў Беларусь.
