У Польшчы затрымалі беларуса, якога Мінск шукаў праз Інтэрпал

Беларуса, абвешчанага на радзіме ў вышук праз Інтэрпал, затрымала паліцыя ў польскай Гдыні.

Як паведамляе прэс-служба гдыньскай паліцыі, гараджане паскардзіліся на чатырох мужчын, якія гатавалі ежу на грылі на тэрыторыі закінутага будынка. Паводзіны гэтых мужчын выклікалі непакой мінакоў.

У аднаго з мужчын, якіх затрымалі паліцыянты, пры сабе не было дакументаў. Таксама ён не мог пацвердзіць, што знаходзіцца ў Польшчы законна. Паліцыя праверыла базы даных — і высветліла, што гэта 46-гадовы грамадзянін Беларусі. Раней яму адмовілі ў дазволе на знаходжанне ў Польшчы. Акрамя гэтага, яго імя знайшлося ў базе Інтэрпала: беларускія ўлады абвясцілі яго ў вышук з мэтай выяўлення месцазнаходжання.

Беларуса затрымалі. Бліжэйшым часам яго перададуць памежнікам і вышлюць з Польшчы.