У швейцарскіх Альпах загінуў беларус
Альпы / pixabay.com
Беларускі альпініст загінуў у швейцарскіх Альпах. Гэтыя звесткі пацвердзілі ў МЗС Беларусі.
Швейцарскае выданне Blick піша, што два альпіністы сарваліся падчас узыходжання на гару Матэрхорн. Беларус з напарнікам зваліліся з вышыні 4030 метраў. Паводле відавочцаў, прычынай падзення стаў каменяпад. Побач з целам грамадзяніна Беларусі, як пішуць СМІ, быў знойдзены пашпарт.
Пра трагедыю ратавальнікам паведаміў відавочца. Супрацоўнікі ратавальнай службы прыбылі на месца здарэння на верталёце, але змаглі ўжо толькі пацвердзіць гібель двух альпіністаў.
Пракуратура пачала расследаванне, каб высветліць прычыны няшчаснага выпадку.
