У Віцебску за год адбылося два дзіцячыя суіцыды і 34 парасуіцыды

У Віцебску дзеці ўсё часцей спрабуюць учыніць самагубствы. Пра гэта гаварылі на каардынацыйнай нарадзе пад старшынствам пракурора горада Сяргея Трашко, піша газета "Віцьбічы".

За 2025 год у Віцебску зафіксавалі пяць дзіцячых смерцяў. Прычым у двух выпадках быў суіцыд. Па адной дзіцячай смерці прыпала на дарожна-транспартнае здарэнне, падзенне з вышыні і прычыненне смерці па неасцярожнасці.

Акрамя таго, за мінулы год у горадзе сярод дзяцей былі зафіксаваныя 34 парасуіцыды і 55 фактаў самапашкоджання сярод непаўналетніх.

Рост колькасці дзіцячых самагубстваў фіксуецца не толькі ў Віцебску. Гэтая ж тэма нядаўна абмяркоўвалася і ў Гомелі.