Украінцы сказалі, колькі беларусаў ваюе на баку Расіі
Баец, ілюстрацыйнае фота / ria.ru
Паводле даных украінскага боку, па стане на 20 мая 2026 года на баку Расіі ваяваў 2871 грамадзянін Беларусі. Паведамляецца, што 440 з іх ужо забітыя. Такія лічбы назвалі ў Каардынацыйным штабе па абыходжанні з ваеннапалоннымі ў адказ на пытанне прадстаўнікоў беларускай дэлегацыі ва Украіне, піша "Наша Ніва".
Частка беларусаў, якія пайшлі ваяваць, жыла ў Расіі на момант вайны.
Год таму Каардынацыйны штаб у сваім праекце "Хачу жыць" абнародаваў імёны 742 беларусаў, якія падпісалі кантракт на вайну на расійскім баку.
Колькі беларусаў ваюе на баку Украіны — дакладна невядома. Большасць добраахвотнікаў хаваюць свае імёны, каб зберагчы ад пераследу сваякоў у Беларусі. Паводле ацэнак журналістаў, на баку Украіны ваявала больш за 1000 беларусаў. Прынамсі 81 з іх загінуў.
