Украінка, якая выступае на Roland Garros, носіць з сабой шаўрон палка Каліноўскага
Аляксандра Алійнікава / Белсат
Украінская тэнісістка Аляксандра Алійнікава, якая выступае на Roland Garros, носіць у спартовай сумцы шаўрон палка Каліноўскага. Сюжэт пра гэта падрыхтаваў тэлеканал "Белсат".
Дзяўчына кажа, што атрымала шаўрон ад бацькавых пабрацімаў з фронту. Яна перадала прывітанне ўсім беларускім добраахвотнікам.
Арганізатары тэніснага турніру забаранілі ўкраінцы дэманстраваць гэты шаўрон публічна падчас матчаў. Таму яна знайшла для яго месца ў адной з кішэняў сумкі.
Напярэдадні Алійнікава перамагла ў першым раўндзе асноўнай сеткі Roland Garros расійскую тэнісістку Алену Прыданкіну.
