Увечары 16 чэрвеня Салігорск застаўся без вады
Салігорцы засталіся без вады, ілюстрацыйнае фота / pixabay.com
Увечары 16 чэрвеня без вады застаўся Салігорск — горад з насельніцтвам каля 100 тысяч чалавек.
Мясцовае выданне "Шахцёр" паведаміла пра аварыю, у выніку якой адзін з найбольшых гарадоў Мінскай вобласці застаўся без вады: "Вады няма ўвогуле, або толькі гарачая ці іржавая".
Пазней апублікавалі тлумачэнне ад водаканала, што "ў сувязі з рэзкім разборам вады паўстала неабходнасць падлучэння дадатковых помпаў".
На асобныя адрасы быў арганізаваны падвоз вады.
Аварыі на водаправодах здараюцца ў Беларусі апошнім часам усё часцей. Сёлета ў студзені без вады заставаліся Клецк і Гомель. У красавіку рагачоўцы скардзіліся на ваду з пахам ацэтону. Перыядычна праблемы з якасцю вады ўзнікаюць у Мінску.
