Віцяблян папярэдзілі пра гукі выбухаў і стрэлаў і заклікалі не хвалявацца
Вучэнні МУС / прэс-служба МУС
24 красавіка ў Віцебску пройдуць комплексныя камандна-штабныя вучэнні па праверцы гатоўнасці падраздзяленняў МУС да дзеянняў у асаблівых умовах. Пра гэта паведамляе прэс-служба ведамства.
У сувязі з манеўрамі ўжо 23 красавіка з 15:00 да 18:00 і ў пятніцу з 14:00 да 18:00 будзе абмежаваны рух усіх відаў транспарту па вуліцы Церашковай на ўчастку ад перасячэння з вуліцай Соф'і Панковай да праспекта Фрунзэ. У МУС папярэджваюць, што там магчыма будзе ехаць спецыяльная і вайсковая тэхніка, таму кіроўцам рэкамендуюць загадзя планаваць маршрут.
Адзін з этапаў вучэнняў пройдзе на тэрыторыі гандлёвага цэнтра "Эвіком" на праспекце Фрунзэ. Таму сёння ГЦ будзе працаваць толькі да 15:00, а заўтра ўвогуле будзе зачынены.
Таксама ў МУС папярэдзілі, што каля "Эвікома" могуць раздавацца гукі выбухаў і стрэлаў, але гараджанам хвалявацца не варта.
