Замест Расіі — Чылі? З кім згуляе таварыскі матч зборная Беларусі па футболе
Каманда Віктара Ганчарэнкі можа сустрэцца з 54-й камандай рэйтынгу ФІФА / АБФФ
Зборная Беларусі па футболе ў чэрвені 2026 года можа сустрэцца з камандай Чылі, якая займае 54-е месца ў рэйтынгу ФІФА. Пра гэта паведамляе канал "Ухо".
Гульню плануюць правесці ў Мінску.
Раней была інфармацыя, што беларусы планавалі правесці таварыскі матч з Расіяй, але пазней яе абверглі ў Беларускай федэрацыі футбола.
Увосень 2026 года зборнай Беларусі давядзецца згуляць у чарговым сезоне Лігі нацый УЕФА. Беларусы выступяць у лізе C, дзе згуляюць супраць Албаніі, Фінляндыі і Сан-Марына.
Матчы пройдуць з 24 верасня па 17 лістапада.
