Затрыманую за шпіянаж журналістку Кардаш Украіна прапаноўвала на абмен і Мінску, і Маскве

Украіна прапаноўвала і Беларусі і Расіі абмяняць журналістку Іну Кардаш, затрыманую па падазрэнні ў шпіянажы. Пра гэта паведамляе Радыё Свабода са спасылкай на Багдана Ахрыменку, кіраўніка сакратарыяту Каардынацыйнага штаба Украіны па пытаннях абыходжання з ваеннапалоннымі.

"І расійская ўлада, і ўлада Беларусі праінфармаваныя аб магчымасці і гатоўнасці Украіны да такога працэсу. Але ні першыя, ні другія не спяшаюцца забіраць сваіх "праваленых" агентаў, пра што сведчыць статыстыка дзяржаўнага праекту "Хачу да сваіх", — заявіў Ахрыменка.

Іну кардаш затрымалі сёлета ў студзені. Яе абвінавацілі ў шпіянажы на карысць КДБ Беларусі. Паведамлялася таксама, што яна вербавала свайго мужа — беларускага добраахвотніка.

У Каардынацыйным штабе Украіны кажуць, што па стане на ліпень 2026 года ва ўкраінскім палоне знаходзяцца 22 грамадзяніны Беларусі, якія ваявалі на баку Расіі.

"Пачынаючы з 2022 году сем беларусаў, якія мелі таксама і расійскае грамадзянства, абмянялі на грамадзян Украіны, якія знаходзіліся ў расійскім палоне", — дадаў Ахрыменка.