Аператараў мабільнай сувязі просяць паведаміць аб забароне наведваць лясы

Кіраўніцтва Гомельскага абласнога ўпраўлення МНС звярнулася да аператараў мабільнай сувязі з просьбай праінфармаваць праз SMS грамадзян аб забароне на наведванне лясоў.
Нагадаем, 3 жніўня ў рэгіёне ўведзена забарона на наведванне лясоў, усе службы — лясгасы, ратавальнікі, міліцыя — працуюць ва ўзмоцненым рэжыме, каб не дапусціць пажараў у лясах і на тарфяніках. Па стане на 7 жніўня ў вобласці не было зафіксавана буйных пажараў, толькі некалькі нязначных узгаранняў, якія былі аператыўна ліквідаваны, паведамляе БелаПАН.