Беларусь хоча атрымаць радовішча гліны на акупаванай тэрыторыі Украіны
Радовішча белай гліны ва Украіне. Фота мае ілюстрацыйны характар / novyny.live
Беларускі рэжым наладзіў схему паставак сыравіны з акупаванай часткі Данецкай вобласці. Пачынаючы з чэрвеня 2022 года "Керамін" і "Бярозастройматэрыялы" закупаюць белую гліну для сваіх вытворчасцей праз пасярэднікаў — напрыклад, ТАА "НКАТ Трэйдвест" — зарэгістраваных у Данецку. Пра гэта распавядае ініцыятыва BELPOL у сваім новым расследаванні.
У іх распараджэнні ёсць дакументы, з якіх відаць, што сума толькі часткі правераных кантрактаў склала каля 600 млн расійскіх рублёў. Пастаўкі сыравіны працягваліся на працягу 2023–2025 гадоў.
Дакументы, на якія спасылаецца BELPOL, сведчаць, што кіраўніцтва Беларусі планавала экспансію на ўкраінскія рэсурсныя базы. У сакавіку 2024 года было дадзена даручэнне прапрацаваць пытанне арэнды радовішчаў белажгучых глін, якія раней належалі ПАТ "Веско", у раёне горада Дружкаўка (Данецкая вобласць).
Мінбудархітэктуры Беларусі абмяркоўвала з расійскімі ведамствамі і адміністрацыяй самаправозглашанай ДНР перадачу гэтых актываў "Кераміну".
Аднак рэалізацыі гэтых планаў перашкодзілі Узброеныя сілы Украіны. Дружкаўка застаецца пад кантролем Украіны, а ў кастрычніку 2025 года гораду было прысвоена званне "Горад-герой Украіны".
Цалкам расследаванне глядзіце тут:
