Беларусь пражыла першы год пры Лукашэнку без смяротных пакаранняў
Турма, ілюстрацыйнае фота / pixabay.com
2025 год — першы пры Лукашэнку без смяротных пакаранняў. І нават без смяротных прысудаў. Гэта зафіксавана ў штогадовым дакладзе Amnesty International.
Праваабаронцы не змаглі даведацца, колькі чалавек чакаюць смяротнага прысуду ў Беларусі — улады не адказваюць на запыты арганізацыі. "Застаецца невядомым лёс і месцазнаходжанне мужчын, чые смяротныя прысуды Вярхоўны суд пакінуў у сіле ў 2020 і 2024 гадах", — канстатуюць у Amnesty International.
Пры гэтым у арганізацыі адзначаюць, што агулам у свеце ў мінулым годзе паказчык смяротных пакаранняў рэзка вырас — 2707 чалавек пакараныя смерцю ў 17 краінах. Гэта найвышэйшая колькасць з 1981 года.
