Беларуска расказала, як яе гадзіну дапытвалі на расійскай мяжы

Беларуску, якая вярталася дадому з Еўропы праз Калінінград, на расійскай мяжы дапытвалі гадзіну. Пра гэта яна напісала ў Threads, заўважыла выданне "Зеркало".

Жанчына нарадзілася ў Мінску, мае беларускі пашпарт, але жыве ў Іспаніі. У Калінінград яна заязджала з польскага Гданьска на аўтобусе.

"На мяжы мяне дапытвалі роўна гадзіну. Гэта было шырокае інтэрв'ю на тры развароты часопіса ад бліскучай хатняй гаспадыні. Мяне не спыталі хіба што, колькі разоў у дзяцінстве я падала з ровара і які мой улюбёны колер. Never ever again, Kaliningrad!" — эмацыйна апісала яна прыгоды на мяжы.

У каментарах беларуска ўдакладніла, што сярод штампаў краін, куды яна ездзіла, расіяне знайшлі ўкраінскую пячатка. Яна была ў гэтай краіне пяць гадоў таму.

"Пакуль "таварыш" глядзеў на маім ноўтбуку ў браўзэры мае зацікаўленасці на Pornhub, я разумела, што пачынаю спазняцца ў аэрапорт на самалёт і што цяпер увесь аўтобус мяне ненавідзіць. Слёзы злосці такі лінулі. Галасіць я пачала ў аўтобусе, калі ад кіроўцы да ўсіх пасажыраў да мяне пачалі падыходзіць, даваць шакаладкі (заесці стрэс), прапаноўваць каньяк і спачуваць. Чалавек чалавеку — сябар", — піша беларуска.

Яна кажа, што ў яе пыталіся даты нараджэння сваякоў і нават усіх яе мужоў: "Каб вы разумелі ступень абсурду: мне задавалі пытанне, калі я скончыла школу <...>!"

Жанчына кажа, што пры заедзе праз беларускую мяжу яе апытваюць па "белпадзеях" (верагодна, маецца на ўвазе тое, што адбываецца пасля выбараў 2020-га), але з гэтым яна ўжо звыклася.

Таксама яна запыталася ў расійскіх памежнікаў, ці перастануць яе апытваць, калі яна памяняе пашпарт і там больш не будзе ўкраінскага штампа. "Мне адказалі: "Не, вы ў базе". Х***се. Якой базе? У іх не адзіная".