У Мінску 18-гадовы студэнт памёр на школьным стадыёне падчас гульні ў футбол
Фасад Следчага камітэта ў Мінску / LookByMedia
Следчы камітэт устанаўлівае абставіны смерці 18-гадовага студэнта, які памёр на школьным стадыёне ў Мінску. Па даных сілавікоў, інцыдэнт адбыўся ўвечары 24 красавіка падчас гульні ў футбол.
Малады чалавек раптоўна адчуў рэзкае пагаршэнне самаадчування і страціў прытомнасць. Прыехаўшыя медыкі праводзілі рэанімацыйныя мерапрыемствы, аднак выратаваць яго не ўдалося. У СК удакладнілі, што прыкмет крымінальнага характару смерці на дадзены момант не выяўлена.
Па словах знаёмых, хлопец вёў актыўны і здаровы лад жыцця, займаўся спортам і вучыўся на першым курсе БДЭУ. Для ўстанаўлення дакладнай прычыны смерці прызначана судова-медыцынская экспертыза, працягваецца праверка ўсіх абставін здарэння.
