Міліцыя знайшла ў Лідзе школьнікаў, якія "зігавалі" на перапынках
Лідскія школьнікі "зігавалі" на перапынках, ілюстрацыйнае фота / PinchukArtCentre
Міліцыя Гродзенскай вобласці працягвае вышукваць экстрэмізм і змагацца з субкультурамі.
У рамках гэтай барацьбы ў жніўні 2025 годзе міліцыянты знайшлі тэлеграм-канал са свастыкай. Пра гэта паведамляецца ў дакуменце, які трапіў у распараджэнне рэдакцыі Hrodna.life.
Тэлеграм-канал быў створаны вучнямі лідскай школы ў 2021 годзе. У ім размяшчалася нямецкая свастыка, эмблема СС і "сцяг Трэцяга Рэйха", а таксама "зігаванне на перапынках", заяўляюць у міліцыі.
У снежні таго ж года ў Ваўкавыскім раёне міліцыя выявіла падлетка, які гандляваў адзеннем, "якое носяць "скінхэды". Міліцыянты звярнулі ўвагу на неанацысцкую сімволіку на вопратцы.
