Большасць падлеткаў у Беларусі выкарыстоўваюць ШІ — анкетаванне

У Беларусі 65% падлеткаў заходзяць у інтэрнэт больш за 10 разоў на суткі, 37% праводзяць у выходныя дні ў сетцы больш за 6 гадзін, 21,3% і 20% выкарыстоўваюць інтэрнэт у будныя дні 3 і 4 гадзіны адпаведна. Такія даныя анкетавання, у якім ужо ўзялі ўдзел больш за 16 000 дзяцей, прыводзіць намесніца дырэктара РНПЦ псіхічнага здароўя Марына Скугарэўская. Анкетаванне з’яўляецца часткай вялікага даследавання, прысвечанага асаблівасцям лічбавых паводзін падлеткаў.

Падлеткі выкарыстоўваюць інтэрнэт для зносін — так адказалі 88,3% удзельнікаў анкетавання. Для вучобы і паўсядзённых задач — 63%. Для забаў — 60,8% і самаразвіцця — 59,8%.

48,3% бацькоў часам робяць падлеткам заўвагі наконт празмернага знаходжання ў інтэрнэце, 3,7% бацькоў абмяжоўваюць час анлайн, 38,6% не робяць гэтага ўвогуле.

46,1% падлеткаў лічаць, што яны здольныя самастойна кантраляваць час знаходжання ў сетцы, 37,5% адзначылі, што спраўляюцца толькі часам, а 16,4% прызналі, што зусім не спраўляюцца з гэтай задачай.

83,7% беларускіх падлеткаў ва ўзросце 15–17 гадоў выкарыстоўваюць ІІ у паўсядзённым жыцці, 30% сутыкаліся з анлайн-махлярствам і іншымі рызыкамі інтэрнэт-прасторы, а 42,6% пакутуюць ад дэфіцыту сну.