Беларускія банкі зніжаюць стаўкі па крэдытах на нерухомасць

Напрыклад, у "Беларусбанку" на куплю кватэры ў фізічнай асобы стаўку знізілі з 18,25 да 16,9%, а на гатовы новабуд у забудоўшчыка — з 16,65 да 15,9%. Для чарговікаў у іх населеным пункце крэдытную стаўку на набыццё кватэры ў фізічнай асобы паменшылі з 16,5 да 15,5%. А вось стаўка на куплю гатовага жылля ў забудоўшчыка засталася ранейшай — на ўзроўні 13,75%.

Таксама знізіліся стаўкі на будаўніцтва кватэры. Цяпер яны складаюць з дзяржзабудоўшчыкам 14,9%, з любым — 15,9%.

А "Белінвестбанк" у красавіку гэтага года двойчы зніжаў стаўку па крэдыце на куплю кватэр на другасным рынку. Цяпер яна складае 16,5%. Пра зніжэнне стаўкі па жыллёвых крэдытах абвясціў і "Белаграпрамбанк". У першыя 180 дзён стаўка будзе 14,5%, а потым — 16,75%.