Больш за 30 дзяцей за тыдзень звярнуліся да медыкаў з самакатнымі траўмамі
Самакат, ілюстрацыйнае фота / pixabay.com
За тыдзень у Рэспубліканскі цэнтр дзіцячай нейрахірургіі з траўмамі пасля катання на электрасамакатах і роварах звярнуліся больш за 30 пацыентаў. Такую статыстыку агучыў кіраўнік цэнтра, галоўны пазаштатны спецыяліст па дзіцячай нейрахірургіі Міністэрства аховы здароўя Міхаіл Талабаеў.
"За мінулы тыдзень да нас звярнуліся больш за 30 дзяцей, з іх 11 былі шпіталізаваныя з досыць сур'ёзнымі траўмамі: трое ў рэанімацыі, двое апераваныя. І гэта ўсяго толькі тыднёвы вынік", — перадае БЕЛТА словы медыка.
Паводле яго, большасць пацыентаў — дзеці, якія ці самі каталіся на электрасамакатах, ці былі збітыя дарослымі на электрасамакатах.
