Чарнагорыя ўвяла візы для грамадзянаў Беларусі
Чарнагорыя / triplook.me
Цяпер афіцыйна: Чарнагорыя ўвяла візы для грамадзянаў Беларусі. А таксама для вандроўнікаў з пашпартамі Расіі, Кітаю, Саўдаўскай Аравіі і Турцыі.
Візавы рэжым пачынае дзейнічаць з 1-га лістапада 2026 года. Да гэтага моманту грамадзяне Беларусі могуць уязджаць у краіну свабодна і знаходзіцца там да 30 дзён.
Безвіз паміж Беларуссю і Чарнагорыяй (тады яшчэ часткай Югаславіі) пратрымаўся 26 гадоў — з 10-га лютага 2000-га. Але балканская краіна выходзіць на фінішную прамую па ўступленні ў Еўрасаюз — і таму мусіць уніфікаваць сваю візавую палітыку з правіламі, якія дзейнічаюць у іншых краінах ЕС.
