Каб легалізаваць у ЗША сваю беларускую дзяўчыну, Эпштэйн ажаніў яе з сваёй асістэнткай
Джэфры Эпштэйн і Карына Шуляк / www.nytimes.com
Каб легалізаваць у ЗША сваю беларускую дзяўчыну, Джэфры Эпштэйн ажаніў яе з сваёй асістэнткайцы. Калі ў 2012 годзе Карына Шуляк пратэрмінавала сваю студэнцкую візу, фінансіст знайшоў нестандартнае рашэнне.
Нью-Ёрк стаў адным з першых штатаў, якія легалізавалі аднаполыя шлюбы. Эпштэйн прыйшоў да высновы, што шлюб у Нью-Ёрку паміж дзвюма жанчынамі можа быць самым простым спосабам атрымаць грамадзянства ЗША — і пры гэтым не выклікаць падазрэнняў, што ён быў арганізаваны выключна для таго, каб пазбегнуць дэпартацыі.
Далей ён абраў з шэрагаў сваіх памочніц 30-гадовую жанчыну з Мінесоты. Яна і адыграла ролю жонкі Карыны Шуляк. Шлюб быў заключаны ў 2013-м, піша NYT.
Дзяўчына засталася ў Штатах, паступіла ў Калумбійскі ўніверсітэт і вывучылася на стаматолага.
6 ліпеня 2019 года Эпштэйн быў затрыманы паводле абвінавачанняў у гандлі непаўнагадовымі ў мэтах сексуальнай эксплуатацыі. Гэта адбылося, калі ён вярнуўся ў ЗША з Парыжу, дзе бавіў час з Шуляк.
Яна засталася ў Еўропе. Але пазней вярнулася ў ЗША і працавала дантысткай у Брукліне.
Беларуску называюць спадчынніцай Эпштэйна. Але яго сродкі цяпер арыштаваныя і вытрачаюцца на кампенсацыі яго ахвярам.
