Да 25 градусаў цяпла і без ападкаў будзе ў Беларусі ў сераду
Лета
У сераду, 29 ліпеня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў. Вецер прагназуецца заходні, паўночна-заходні ўмераны, месцамі — парывісты.
Уначы чакаецца 7-13 градусаў вышэй за нуль. Удзень паветра прагрэецца да +20...+25 градусаў.
30-31 ліпеня чакаецца малавоблачнае сухое надвор'е. У чацвер удзень тэрмометры пакажуць 23-29 градусаў цяпла, па паўднёвым захадзе будзе да +31 градуса. У пятніцу прагназуецца ад +25 градусаў па паўночным усходзе да +35 градусаў па паўднёвым захадзе.
