У Віцебску купляюць упрыгожванне для навагодняй ялінкі за 415 тысяч рублёў
Навагодняя ялінка, ілюстрацыйнае фота / pexels.com
Віцебскае ЖКГ купляе ўпрыгожванне для гарадской навагодняй ялінкі за 415 тысяч рублёў. Адпаведны тэндар з'явіўся на сайце дзяржзакупак.
Прадмет закупкі — святлодыёднае 3D-пано. У параметрах закупкі ўдакладняецца, што такое пано "ўсталёўваецца на паверхню ствольнай елкі вышынёй 30 м, дыяметрам асновы 13 м і дыяметрам верхняй часткі 0,4 м, у выглядзе трох пано, якія дзеляць бакавую паверхню елі на 6 частак". Патрабаваны гарантыйны тэрмін вырабу — тры гады, а агульны тэрмін службы — не менш за пяць гадоў.
Тэрмін пастаўкі пано — 85 каляндарных дзён.
