Кангрэсу ЗША расказалі пра транснацыянальныя рэпрэсіі ад рэжыму Лукашэнкі

Кангрэсу ЗША распавялі пра транснацыянальныя рэпрэсіі, арганізаваныя рэжымам Лукашэнкі. Згадка нашай краіны ёсць у адмысловым дакладзе, які вывучыла Еўрарадыё.

Справаздачу 15 ліпеня падрыхтавала структура Кангрэса — Даследчая група. У ёй апісваецца сітуацыя з транснацыянальнымі рэпрэсіямі ў свеце, а Беларусь згадваецца як краіна з топ-10 тых, хто найчасцей іх ужывае.

Гэта важна найперш таму, што з'явіўся ўнутраны дакумент Кангрэса, дзе падымаецца праблема. Таксама проста цяпер разглядаюцца некалькі законапраектаў, якія ў той ці іншай ступені закранаюць тэму транснацыянальных рэпрэсій і таго, як ЗША мусяць на іх рэагаваць.

Дакумент атрымалі офісы ўсіх кангрэсменаў і сенатараў, а таксама структуры выканаўчай улады.

Трансгранічныя злачынствы рэжыму Лукашэнкі цяпер расследуюцца Міжнародным крымінальным судом у Гаазе.