Палітвязням па справе "Зялёнай сеткі" прысудзілі па 6 гадоў зняволення
Герасімовіч і Мількамановіч / калаж @viasna96
Вынесены прысуд палітвязням Глебу Герасімовічу і Аляксандру Мількамановічу.
Як даведаліся праваабаронцы "Вясны", ім прызначылі па шэсць гадоў калоніі ўзмоцненага рэжыму. Акрамя таго кожны павінен будзе заплаціць штраф у 500 базавых велічыняў (22,5 тысячы рублёў на сёння).
Мужчын абвінавацілі ва ўдзеле ў экстрэмісцкім фармаванні (ч. 2 арт. 361-1 Крымінальнага кодэкса).
У ліпеня 2025 года КДБ прызнаў кааліцыю прыроадаабарончых ініцыятываў "Green Network" "экстрэмісцкім фармаваннем". Улады ўключылі ў спіс праектаў, аб'яднаных гэтай назвай, ініцыятывы "Belarus Beehive", "Зялёны Партал" і грамадскае аб'яднанне "Экадом".
Дакладныя акалічнасці крымінальнай справы і падрабязнасці суда над герасімовічам і Мількамановічам застаюцца невядомымі.
