Мінабароны закупляе сувеніры для палкоўнікаў больш як на 20 тысяч рублёў
Падстаўка для пагонаў / Мінабароны Беларусі
Мінабароны выдаткавала 22,4 тысячы рублёў на сувеніры для палкоўнікаў. Ведамства хоча закупіць 110 такіх падставак для пагонаў, як на карцінцы: 20 — з блакітным прасветам і 90 — з чырвоным.
Сувенір "Пагоны" мусіць быць выраблены з алешыны. Абавязковыя элементы: гадзіннік, герб і мапа Беларусі. На ўсё гэта вытворца мусіць даць гарантыю два гады.
Адзін такі камплект ацанілі ў 204 рублі. Пра гэта Еўрарадыё даведалася з дакументаў на закупку.
