Па "справе Каардынацыйнай рады" адбылося больш за дзесяць ператрусаў
Міліцыя, ілюстрацыйнае фота / sb.by
У сваякоў кандыдатаў у Каардынацыйную раду 6 траўня адбылося больш за дзесяць ператрусаў. Сілавікі прыйшлі да сваякоў тых кандыдатаў, якія балатуюцца ў КР упершыню. Як адзначаюць у праваабарончым цэнтры "Вясна", рэпрэсіі закранулі прадстаўнікоў некалькіх фракцый.
Вядома, што ператрусы адбываюцца паводле справы, пачатай паводле арт. 361-1 (удзел у экстрэмісцкім фармаванні), 356 (здрада дзяржаве), 357 (замова з мэтай захопу ўлады), 361 (заклікі да санкцый) КК.
Сваякоў кандыдатаў дапытвалі падчас ператрусаў. На некаторых, як паведамляецца, ціснулі, каб яны прымусілі сваіх родных выйсці з фракцый напярэдадні выбараў.
Выбары ў Каардынацыйную раду пройдуць 11-17 траўня. На 80 месцаў прэтэндуюць дзевяць выбарчых спісаў. Канкурэнцыя складае ў сярэднім больш за два чалавекі на месца.
