Падчас прамовы Ціханоўскай у Варшаве слухачы разгарнулі пратэстныя плакаты
Акцыя супраць Ціханоўскай у Варшаве / Еўрарадыё
Падчас прамовы Святланы Ціханоўскай на V Канферэнцыі беларусаў і беларусак свету прайшла акцыя пратэсту.
Як перадае журналіст Еўрарадыё, некатотрыя слухачы раптоўна разгарнули плакаты. На адным з іх быў надпіс "Аддай грошы Сашы", на другім — "Ціханоўская = Лукашэнка".
Акцыя доўжылася нядоўга і не перапыніла выступ цалкам.
Самі ўдзельнікі пратэсту не патлумачылі сваіх патрабаванняў або мэтаў, абмежаваўшыся дэманстрацыяй лозунгаў.
Канферэнцыя беларусаў і беларусак свету праходзіць у Варшаве 1 і 2 траўня. Мерапрыемства збірае прадстаўнікоў беларускай дыяспары з розных краін і прысвечана абмеркаванню будучыні Беларусі, каардынацыі дзеянняў дэмакратычных сіл і падтрымцы беларусаў за мяжой. У межах мерапрыемства ўдзельнікі абмяркоўваюць палітычную сітуацыю ў краіне, пытанні ідэнтычнасці, культуры і міжнароднай падтрымкі. Арганізатары адзначаюць, што канферэнцыя з’яўляецца важнай пляцоўкай для дыялогу і выпрацоўкі агульнай стратэгіі дзеянняў.
