Папа Леў заклікаў да міру "тых, хто мае ўладу развязваць войны"

Папа Леў правёў сваю першую Вялікдзеньскую імшу ў якасці пантыфіка. З цэнтральнага балкона базылікі Святога Пятра Папа Рымскі заклікаў выбраць мір “тых, хто мае ўладу развязваць войны”.

“У гэты святочны дзень адмовімся ад любога жадання канфліктаў, панавання і ўлады і будзем маліць Госпада падараваць мір свету, які пакутуе ад войнаў”, — цытуе пантыфіка BBC.

Першы Папа Рымскі, народжаны ў ЗША, стаў крытыкам вайны з Іранам, у сваіх нядаўніх публічных выступах асуджаў глабальныя канфлікты і заклікаў да дээскалацыі.

"Мы прывыкаем да гвалту, мірымся з ім і становімся абыякавымі, абыякавымі да гібелі тысяч людзей, — сказаў папа ў сваім звароце. — Хай тыя, у каго ёсць зброя, пакладуць яе. Хай тыя, хто мае ўладу развязваць войны, абяруць мір".

Ён таксама аддаў даніну павагі свайму пераемніку, Папе Францішку, які выступіў з апошняй прамовай у Вялікдзеньскую нядзелю мінулага года за некалькі гадзін да смерці.

Папа Леў завяршыў сваё пасланне вялікдзеньскімі віншаваннямі на некалькіх мовах, уключаючы латынь, арабскую і кітайскую.